ဟီရိုရှီးမားအိပ်မက်ဆိုးရဲ့နိဒါန်း
ဆောင်းဦးပေါက်ရဲ့ နံက်ခင်းတခုမှာ အိုင်းစတိုင်းတစ်ယောက် လေအနော့မှာ မြင့်ပင်ယံကနေ တဖွဲဖွဲဆင်းသက်နေကြတဲ့ ရော်ရွက်ဝါလေးတွေကို အိမ်ရှေ့ ၀က်သချပင်အောက်က ခွေးချေပုလေးပေါ်မှာထိုင်ရင်း ဆွေးဆွေးမြေ့မြေ့ ငေးကြည့်နေမိပါတယ်…
“ ဂလီး.. ဂလစ်.. ဂလစ်…လထစ်”
ငှက်ဆိုးတကာင်းရဲ့ ခပ်ရင့်ရင့် အော်လိုက်တဲ့အသံပါ။ ဒါဟာ ဒုတိယကမ္ဘာစစ်ရဲ့ကြေကွဲဖွယ် နမိတ်ဆိုးဆိုတာ နတ်ဘုရားတွေမှဘဲသိမယ်ထင်ပါတယ်..
ဇနီးသည် မဒမ် အိုင်းစတိုင်းတယောက် နောက်ဖေးမီးဖိုချောင်ထဲမှာအလုပ်ရှုပ်နေပါတယ်..သူက ခင်မွန်းသည် ဖြစ်ချင်တာတွေကိုဘဲကြည့်နေတတ်တဲ့ ဇနီးကောင်းတယောက်ပါ..
သိပ်မကြာခင်မှာ လ္ဘက်သုပ်တစ်ပန်းကန်နဲ့ ရေနွေးဓါတ်ဗူးတလုံး ဗန်းလေးထဲမှာထည့်ပြီး ခင်ပွန်းသည် အိုင်းစတိုင်းရှေ့က စားပွဲမှာလာချပါတယ်.. လေမှာလွင့်ဝဲနေတဲ့ မဒမ်ရဲ့ပတုန်းရောင်ဆံပင်တွေကိုကြည့်ပြီး အိုင်းစတိုင်းတယောက် လွန်ခဲ့တဲ့ခြောက်နှစ်လောက်က သမီးရီးစားဘ၀ကို တွေးကောင်းတွေးနေမိမယ်ထင်ပါရဲ့။ ပန်းကန်လေးကို စားပွဲပေါ်ချပြီးပြန်အထွက်မှာ မဒမ်တယောက် နောင်ဆယ်စုနှစ်ကျော်ကျော်လောက်မှာ ဖြစ်ပေါ်လာမယ့် ကြေကွဲဖွယ်ဖြစ်ရပ်ဆိုးရဲ့ နိဒါန်းကိုစတင်လိုက်ပါပြီ..
သူ…မဒမ်တစ်ယောက် .. အိုင်းစတိုင်း နှာဝနီးနီးမှာ လေလည် လိုက်တာပါ…
အနံ့က သိပ်ဆိုးလွန်းပါတယ်၊ ပါရမီရှင်အိုင်းစတိုင်းတောင် သည်းမခံနိုင်လောက်အောင်ဖြစ်ရတယ်လို့ဆိုပါတယ်.. ဒါပေမဲ့ အိုင်းစတိုင်းက အမြင်ကျယ်ပါတယ်…. သူ့ဒေါသကို အချိန်မှီ ပြန်ထိမ်းနိုင်ခဲ့ပါယ်..ဒါဟာ ဂျင်းတဲလ်မင်းတယောက်ရဲ့ ခပ်ပါးပါး လုပ်ရပ်လေးတခုပါဘဲ... ၀မ်းနဲစရာကောင်းတာက ဒီဖြစ်ရပ်ဟာ အိုင်းစတိုင်းရဲ့ နှလုံးအိမ်မှာ ထုတ်လို့မရအောင်ကို စွဲသွားခဲ့ပါတယ်… သူဟာ အန့်ခမန်းစွမ်းအား ဒုက္ခပေးနိုင်တဲ့ “အီး” အကြောင်းကို အဲဒီအချိန်ကစလို့ လေ့လာ ပါတော့တယ်… ရက်တွေကို လက၀ါးမြိုသွားတယ်… အိုင်းစတိုင်းတယောက် ဓါတ်ခွဲခန်းထဲမှာပါ… ရာသီတွေလည်း ချာလပတ်ရမ်းခဲ့ပြီ.. သူကတော့ အလုပ်ရှုပ်နေဆဲဘဲ..
နွေရဲ့တနေ့..
မိုးရဲ့တနေ့…
ဆောင်းရဲ့တနေ့… အခုတော့သူ့ဘ၀ဟာ သူ့ဓါတ်ခွဲခန်းလိုဖြစ်နေပါပြီ..
မဒမ်က ခင်ပွန်းသည် အိုင်းစတိုင်းကို နားမလည်နိုင်တော့ဘူး… သူမ အထီးကျန်လာသလိုခံစားရတယ်၊
ညက အိုင်းစတိုင်းတယောက်သူမနဲ့လာမအိပ်ဖူး။ ဒါတွေကသူမအဖို့ရိုးနေပါပြီ…. မောနင်းငှက်ကလေးတွေတေးသီနေတဲ့နံက်ခင်းတခုမှာ မဒမ်အိုင်းစတိုင်းတယောက် ချိနဲ့တဲ့ခြေလှမ်းတွေနဲ့ အိုင်းစတိုင်းရဲ့ ဓါတ်ခွဲခန်းဆီကိုလာခဲ့ပါတယ်…အရင်ကလို အိုင်းစတိုင်းတယောက် သူ့ ဓါတ်ခွဲခန်းစားပွဲပေါ်မှာဘဲ ခေါင်းငိုက်စိုက်ချ အိပ်ပျော်နေမှာဘဲဆိုတာသူသိပြီးသားပါ… သူ့အတွေးဟာလွဲချော်ခဲ့ပါတယ်.. သူဓါတ်ခွဲခန်းတံခါးကိုဆွဲအဖွင့်မှာ အိုင်းစတိုင်းက သူတွက်နေကျ ဘလက်ဘုတ်မှာ တခုခုရေးနေတာတွေ့လိုက်တယ်.. လက်တွေကတုန်နေပါတယ်.. မြေဖြူကိုလွတ်မကျအောင် အနိုင်နိုင် ကိုင်ထားရပုံဘဲ… ပင့်သက်တချက်ရှိုက်ပြီး အိုင်းစတိုင်း ခေါင်းရမ်းတယ်… ထပ်ပြီးရမ်းပါတယ်..
တတိယအကြိမ်ရှိနေပြီ… မဒမ်တယောက် အိုင်းစတိုင်းကိုကြည့်ပြီး ကြေကွဲစပြုနေပြီ.. နောက်ဆုံးတော့ အိုင်းစတိုင်းဟာ ဘလက်ဘုတ်မှာ အီကွေးရှင်းတခုကို ခက်ခက်ခဲခဲရေးချလိုက်ပါတယ်…ရေးပြီးပြီးချင်း အိုင်းစတိုင်းဟာ အရုပ်ကြိုးပြတ်သလို လဲကျသွားပါတယ်.. မဒမ်က အိုင်းစတိုင်းကိုပြေးပွေ့တယ်.. အိုင်းစတိုင်းတယောက် လက်ရှိလောကကနေ တဒင်ဂ ထွက်သွားခဲ့ပြီ..ကျူးမီးငါးလို့ မဒမ်မအော်ပါဘူး..
ဒါပေမဲ့ သူအဆုံးစွန်ထိကြေကွဲနေရတယ်ဆိုတာ သူမျက်ရည်တွေက သက်သေပါ… သူ မရှိုက်ပါဘူး.. ဒါပေမဲ့ အတိုင်းမဲ့စီးကျလာတဲ့နှပ်တွေက ၀မ်းနဲမှုရဲ့သင်ကေတတွေပါ… မဒမ်ရဲ့မျက်လုံးဟာ မျက်ရည်တွေနဲ့ ဝေ့၀ါးနေပါပြီ… ဘလက်ဘုတ်က စားသားတွေကိုတော့ သူသဲကွဲစွာမြင်နေရပါသေးတယ်..
“အီးအီကွဲတူ အမ်စီစကွဲယား” တဲ့….
ဒါဟာ ဒုတိယကမ္ဘာစစ် ကြေကွဲဖွယ်အရိပ်ဆိုးရဲ့ နိမိတ် ၊ ဒုတိယ နိဒါန်းတခုဘဲပေါ့..
(နိဂုံး။ ။ ဘယ်သူမှမသိလိုက်တဲ့ဖြစ်ရပ်တခုက မဒမ်အိုင်းစတိုင်းဟာ ခင်ပွန်သည်ကိုတွဲခေါ်ပြီး အပြင်ကိုအထွက်မှာ ဖြစ်ပေါ်လာခဲ့ပါသေးတယ်…လေတချက် လည်လိုက်တာပါ။ ဒါကိုအိုင်းစတိုင်းမသိလိုက်ပါဘူး.. ကျွန်တော် ကတော့ အိုင်းစတိုင်း မသိလိုက်၊ မသိလိုက်နိုင်တာကိုဘဲ ကောင်းတယ်လို့ထင်မိပါတယ်.)
မှတ်ချက်။ ။ သင့်ရဲ့ထင်မြင်ချက်ကိုလည်း ကျွန်ုပ်ဆီကိုလွပ်လပ်စွာ မေးလ်မှတဆင့်ပေးပို့စေချင်ပါတယ်။
No comments:
Post a Comment