ငယ်ဘ၀ သို့ တမ်းချင်း

                                                      

ငါငယ်ငယ်ကလေးဘ၀

ဒိုးပစ်တမ်းကစားနေကြတဲ.ငါ.အကိုတွေကိုကြည်.ရင်း

ငါလည်းသူတို.အရွယ်ရောက်ရင်

သူတိုလိုကစားတတ်မှာဘဲဆိုတဲ့

ဖျတ်လတ်တက်ကြွတဲ့အတွေးတွေနဲ့

နေ့နေ့ညညဒိုးပြစ်ကြည့်ခဲ့ပေါ့....

တကယ်ပါဘဲလေ.............

ငါ့အသက်သူတိုလိုအရွယ်မေ၇ာက်ခင်

ငါသူတိုကိုကျော်လွားနိူင်ယူခဲ့ပြီ.....

Any time,Any way ပေါ့....

ဒါဟာကြိူးစားမှုရဲ့ရလဒ်တခုများလား

မရေမရာငါတွေးမိခဲ့........

 

ငါ့အသက်ဆယ့်ခြောက်,ဆယ်ခွန်

ပထမဆိုတဲ့အရာတခုကို

အသက်ထက်ပင်မြတ်နိုး

အပြိင်အဆိုင်ယူ ကြိုးစားနေတဲ့ကျောင်သား/ကျောင်းသူတွေကြားမှာ

ငါလည်းလူတွေထဲ ကလူဘဲလေ....

အဲ့ဒီ ပထမကိုအရမ်းရချင်ခဲ့တယ်...

အမေ့ရဲ့ခေါ်သံကိုမျက်ကွယ်ပြု

အဖေ့ရဲ့ခိုင်းစေမှုတွေကိုလျစ်လှုရှူ

သူငယ်ချင်းတွေရဲ့ဆော့ကစားသံတွေကိုနားပိတ်ဖုန်းကွယ်ရင်း

နေ့နေ့ ညည ကျေင်းစာတွေကြားမှာဘဲငါနစ်မြုပ်နေခဲ့တာပေါ့..

တကယ်ပါဘဲလေ.....

ငါလိုချင်တဲ့ပထမဆုဟာ....

 သိပ်မကြာလိုက်တဲ့အချိန်တိုအတွင်းမှာဘဲ

ငါ့ဆီကိုရောက်လာခဲ့ပါပြီ..

အတိုင်းမသိပျော်ရွင်မှုတွေနဲ့

အဆုံးစမဲ့ဂုဏ်ယူပျော်ရွင်ခဲ့မိပေါ့...

 

ငါအသက်နှစ်ဆယ်ကျော်

ပျော်ရွင်စရာအစစ်ကအခုမှတွေ့မိတာလိုတွေးမိတယ်

အရင်ကသူငယ်ချင်းနည်းခဲ့တဲ့ငါဟာ

ခုတော့သူငယ်ချင်းတွေတရုန်းရုန်းနဲ့ပေါ့..

ရင်ခုန်ချင်စရာလို. ပြောနေကြတဲ့အချစ်

စမ်းသပ်ကြည့်တောဟုတ်သလိုလိုပါဘဲ...

သောက်ရင်မှုး,မှုးရင်ကြမ်းလိုက်

မင်းကခုထိလူဖြစ်ကျိုးမနပ်ဖူးဆိုတော့လည်း..

(ချိးယားစ်......တူငယ်ဂျင်း....)

 

ပျင်းစရာကြိးကွာလို့ငါကပြောတော့

ဒါမှစစ်မှန်တဲ့တကယ့်ဖိးလ်တဲ့

မင်းလည်းအချိန်ကိုအကျိုးရှိရှိအသုံးချချင်ရင်

စမ်းသပ်လေ.လာကြည့်ပါဦးတဲ့....

ဒါကဂျော်ကာ,ဒါက ကွင်း,ဒါက ကင်း , ဒါက, ညှင်းတဲ့

အို....စုံနေတာပါဘဲ...

နောက်ဆုံးတော့....

အသဲကွဲတာကိုငါဂရုမစိုက်တော့ဘူး

(ဂွတ်ဘိုင်မိန်းကလေးရေ......)

ဂစ်တာတစ်လက်နဲ့ညတိုင်းထွက်ချင်တဲ့ငါ့ကို

သူငယ်ချင်းတွေကပြောကြပြန်တယ်.....

(မင်းကလွန်လွန်းပြိတဲ့....)

RUM,တစ်တောင့်ကိုရေမရောဘဲသောက်တဲ့ငါကို

(မင်းကဂျိုးကပ်နေပြိတဲ့....)

အလာကားကြေးတောင်မိုးလင်းအောင်ဖဲရိုက်တဲ့ငါကို

(မင်းကထိမ်းလိုမရတော့ဘူးတဲ့....)

ဘာတွေလဲဘ၀ရယ်...ဘာတွေလဲ

စိတ်ညစ်တိုင်း ချင်စူးစူး ဆိုင်ကလေးရှိရာကိုလာခဲ့တယ်..

အချစ်က ငါ့နှလုံးသားကို ခြေမွဖျက်စီးသွားခဲ့ပြီ...

အရက်ကငါ့အသိကိုေ၀၀ါးစေခဲ့ပြီ..

လောင်းကစားကငါ့ဘ၀တစ်ခုလုံးကို ဖျက်စီးနေပြီ...

ငါ့အသိစိတ်ဟာလည်း

လင်းတစ်ခါ မှောင်တစ်လှည့်..

အစိုးမရတဲ့ အနက်ရောင်အိမ်မက်တွေကြားမှာ

အတားအစီးမဲ့ လွင့်မျောရင်းပေါ့...

ဒါဟာကျဆုံးမှုရဲ့ နိဒါန်းတစ်ခုများလား..

ကြောက်ရွံ့စွာ ငါတွေးမိခဲ့...

 

ငါ့အသက် အိုဗာ 70 ...

လူတွေက ငါ့ကို ဆရာလို့မခေါ်ပေမဲ့..

ငါ့အလုပ်ကိုသိရင် ကြောက်ရွံ့ မှုတောင်ဖြစ်နေကြရတယ်...

လမ်းမှာတွေ.ရင် လက်ဆွဲနှုတ်ဆက်ဖို့ဝေးရော...

အဝေးကနေ ခပ်ကုပ်ကုပ်မျက်ကွယ်ပြုသွားကြတာများတယ်...

ဘာတွေလည်း...ဘ၀ရယ်ဘာတွေလဲ...

အရည်မရှိတော့တဲ့ပုလင်းကို နှမျောတသစွာကြည့်..

“ဒါမှငါကွ”...လို့ ကိုယ့်ကိုကိုယ် ဂုဏ်ဖော်အော်ဟစ်ရင်း..

မနက်ဖြန်ဆိုရင် မရှိတော့မဲ့ မူးကြောင်ကြောင် အတွေးတွေကြားမှာ..

ငါဟာရှုးမိုက်စွာ ရစ်မူးရင်ပေါ့...

လမ်းပေါ်မှာ ယိုင်နဲ့နဲ့ လျှောက်နေတဲ့ငါ့ကို..

ဇိမ်ခံကားပေါ်က လူက မသိသလိုကြည့်သွားတော့

အရှက်မဲ့ တလွဲမာနက ထကြွရင်း...

ငါဟာဘာကောင်လဲဆိုတာသိရမယ်ဆိုပြီး...

ဆဲဆိုရင်း စိန်ခေါ်ကြိမ်းမောင်းမိပေါ့...

ခက်တော့ခက်ပါတယ်လေ...

နံနက်ခင်းရဲ့ ဆွတ်ပျံ့ကြည်နှုးမှုတွေအကြားမှာ

အိပ်တန်းဆင်း ငှက်ကလေးတွေရဲ့ တေးသီသံကို နားဆင်ရင်း...

မျက်ခင်းပြင်မှာ ပျံဝဲနေတဲ့...

ရောင်စုံလိပ်ပြာလေးတွေကိုငေးကြည့်ရင်း...

ငယ်ဘ၀ကို တမ်းတသတိရမိတယ်...

ငါ့နားထဲမှာ ဒိုးပစ်သံတွေကြားလာရတယ်...

ကလေးတစ်ရောက်ရဲ့ကျောင်းစာကျက်မှတ်သံတွေ....

အမေ့ရဲ့နွေးထွေးကြင်နာတဲ့ အပြုံးတွေ..

အဖေ့ရဲ့ဘယ်တော့မှ မငြင်းခဲ့တဲ့လိုက်လျောမှုတွေ..

ချစ်သူရဲ့ကြည်နှုးဖွယ်စကားသံလေးတွေ...

အပြာရောင်ဖဲချပ်တွေ..အနက်ရောင်အိမ်မက်တွေ..

အရာအားလုံးဟာမနေ့ကလိုပါဘဲ...

ဒီလိုနဲ့ ညနေစောင်းခဲ့ပြန်ပြီ..

ပုလင်းသံ ခွက်သံတွေ ဆူညံနေတဲ့အခန်းလေးထဲမှာ..

ငါလည်းငါ့ဘ၀အမှန်ကို ပြန်လည်အစပြုရင်းပေါ့..

အဆုံးမဲ့မှုးသွားရင်တေါ့ အရာအားလုံးကိုမေ့သွားမှာဘဲလို့..

ငါမျှော်လင့်မိတယ်...

ငါ့ရဲ့အလုပ်ကိုစိတ်ကုန်မိတယ်...

ဟုတ်တယ်လေ....

တခါတလေတော့လည်း သုဘရာဇာအလုပ်ဆိုတာ ကြေကွဲဖွယ်ကောင်းလှပါတယ်...

 

 

နွေရဲ့တစ်နေ့...

                                ကလေးတွေအိမ်ရှေ့တလင်းပြင်မှာကစားနေကြတယ်...

                                ကလေးတစ်ယောက်ငေးကြည့်လို့...

မိုးရဲ့တစ်နေ့...

                               ကျောင်းရှေ့ Assembly ကွင်းပြင်မှာ ကျောင်းသူကျောင်းသားအားလုံး

                               သောင်းသောင်းဖျဖျ လက်ခုပ်တီးပေးကြတယ်..

                               ကျောင်းသားလေးတစ်ယောက်က ဆုတွေယူလို့...

ဆောင်းရဲ့တစ်နေ့...

                              ချမ်းအေးလှပေမဲ့ မြို့အစွန်ဆိုင်လေးထဲမှာတော့လူတွေ

                              စည်ကားလို့နေတယ်...

                              အချစ်ရဲ့ကျရှုံးမှုဆိုပြီး လူငယ်တစ်ယောက်အော်ဟစ်ကြေကွဲလို့...

 

ဒီနေ့...

                             မြို့ပြင်သုသာန် ဇရပ်တစ်ခုမှာတော့ သုဘရာဇာအဖိုးကြီးတစ်ယောက်ရဲ့

                             အလောင်းကိုမြေမြုပ်ဖို့ စီစဉ်နေကြတယ်...

                            အဖိုးကြီးရဲ့လက်ထဲမှာပထမဆု တံဆိပ်ပြားတစ်ခု

                            သူ့ရဲ့ပါးပြင်မှာမျက်ရည်စတွေနဲ့...

 

 

 

 

 

           

 

 

                       

 

 

 

 

 

 

 

 

 

 

 

 

 

 

 

ဆိုင်းရင်.ရွာသို့တစ်ခေါက်....

ဇန်န၀ါရီရက်တွေက ပျင်းစရာကောင်းလွန်းပါတယ်..

စက်ယန္တယားဆန်ဆန်လူတွေကိုလည်းမကြည့်ချင်ဘူး

ပေါက်ကရတွေလုပ်နေတဲ့ ဆိုင်းရင့် ကမ္ဘာကိုငါရောက်သွားတယ်..

အိုင်းစတိုင်းကစမေးတယ်..."မင်းလုပ်ချင်တာပြောလိုက်စမ်းတဲ့"..

ငါ့မှာ မယ်မယ်ရရလုပ်စရာလည်းမရှိဘူး....

"လိပ်တွေကို အတောင်တပ်ပေးချင်တယ်လို့ဘဲဖြေမိတော့" 

"ရှီး..ထဲမှဘဲလို ခပ်တိုးတိုးရေရွတ်တယ်"...

ဒါပေမဲ့သူကြိုးစားပြီးလုပ်ပေးပါတယ်..ပြီးတော့လိပ်တွေနေတဲ့နေရာကိုညွှန်ပြလိုက်သေးတယ်...

ထူးဆန်းတဲ့အတောင်ပံကိုလိပ်တိုင်းလိုလိုကစိတ်ဝင်စားပါတယ်...

ဒါပေမဲ့ ဘယ်ငနဲမှ စမ်း မပျံဝံ့တာခက်နေတယ်...

နောက်ဆုံးတော့ အသဲကွဲနေတဲ့လိပ်တကောင်ထွက်လာတယ်...

"သူကိုသာတပ်ပေးလိုက်ပါတဲ့"...ကြေကွဲသံလေးနဲ့ဆိုတော့ သိပ်စိတ်မချမ်းသာပြန်ဘူး...

ဒီပစ္စည်းက ဆေးဖတီး အပြည့်နဲ့ပါကွလို့ပြောရသေးတယ်..

ကောင်းကင်မှာ ပျံတက်သွားတဲ့လိပ်ကို လိပ်အားလုံးက လက်ခုပ်တီးအားပေးကြတယ်..

ဒါပေမဲ့သိပ်မကြာဘူး.. အသဲကွဲလိပ်ပြန်ဆင်းလာတယ်..

ချွေးလုံးနေတဲ့မျာက်နှာနဲ့ ထစ်ထစ်ငေါ့ငေါ့ပြောတယ်...

"စပိ အရမ်းများတယ်ဗျာ.. ကျုပ်တို့နဲ့အဆင်မပြေပါဘူးတဲ့...."

အပြန်လမ်းမှာ မာကိုနီ နဲ့တွေ့လို့တခုပူဆာမိသေးတယ်..

"ကမ္ဘာအရှေ့ခြမ်းကိုထိမ်းနိုင်မဲ့ ရီမု များလုပ်ပေးနိုင်မလားလို့"

" ကြိုးစားနေပါတယ်လို့ ခေါင်းကုတ်ပြီးဖြေတယ်"...

စိတ်လေတယ်ဗျာ..

ပန်းခြံကိုသွားတော့ ညနေစောင်းနေပြီ...

အက်ဒီဆင်တစ်ယောက်  မီးအိမ်တလုံးနဲ့အလုပ်ရှုပ်နေတာတွေ့ရလို့ သွားစပ်စုမိတယ်...

အရာဝတ္ထုတခုကို အရိပ်မထွက်အောင်လုပ်နေတာတဲ့...

ထွက်တော့ဘာဖြစ်လို့လဲဗျလို့ ဘုတောမိတော့ " အရိပ်ထွက်ရင် အရိပ်မှာ ၀င်ခိုတဲ့သူတွေများလွန်းလို့တဲ့"....

" ညီမျှတဲ့အလင်းနဲ့ အဲ့နှီ ၀တ္ထုကို အရပ်မျက်နှာတိုင်းက ထိုးလိုက်ပါလားလို့" ပြောတော့ သူ တွေဝေသွားတယ်..

လေးတွဲ့စွာပြောပါတယ်.." ဖြစ်နိုင်ပါတယ်.. ဒါပေမဲ့ဓါတ်ဆီဖိုးတော်တော်ကုန်မှာတဲ့"...

ဆိုင်းရင့် ရွာကအထွက်မှာ ဒီပါချာဘဲကတခုတောင်းဆိုတယ်… ကွန်မန့်ပေးခဲ့ပါဦးတဲ့…

အိုင်းစတိုင်းက စိတ်တိုလွန်းတယ်…သူက သုံးမှတ်ပေးတယ်..

မာကိုနီက ပျင်းတယ်.. ခြောက်မှတ်ပေးတယ်..

အက်ဒီဆင်က  အတ္တဆန်ပြီး နှပ်ချီးကျတယ်...    ဆယ်နှစ်မှတ်ပေးတယ်...

ဆိုင်းရင့်တစ်တွေအားလုံး နှဖူးပြောင်တယ်.. ကျန်တဲ့ အမှတ်အားလုံးပေးတယ်...

ပြီးတော့ ရာသက်ပန် ဖရီးဗီဇာထုပ်ပေးတယ်...

နင်သွားချင်ရင်ပြောပါ.. ပေးငှားလိုက်မယ်...